顛倒眾生 永遠的女神 鍾楚紅
好記得當年仲着緊校服嘅我經過報紙檔見到紅姑做封面嘅Playboy嘩咗一聲 點解呢位大姐姐咁鬼吸引嘅!
當時真係超想擺低$25 差不多是我成個星期嘅零用錢都要買呢本書 不過最大問題係當時未夠稱 所以報紙檔未必肯賣俾我 同埋學校訓導主任話呢啲係不良成人刊物喎 會學壞 挑!
所以成為咗小弟我年輕時眾多遺憾之一 唉:)
話歸正題 嗰陣時嘅紅姑真係超有氣質同女人味 而家基本上冇晒呢啲咁有氣質嘅女明星 因為已經變晒人工美女 真替後生呢一輩覺得可惜 因為佢哋大部份都從未見過真正有氣質由個心度讚嘆出嚟嘅明星
